مع أول دقة قلب..كتبت أول كلمة..
و كلمة وراها كلمة..و يتخلص الحدوتة..
و يفضل قلبى يدق..و أمسك القلم..و ابتدى حدوتة جديدة..
معاها دقة قلب..
و تخلص الحدويتة و تفضل الكلمة..
تشهد و تقول لقلبى: "فاكر يا قلبى لما.."
و فى كل مرة الكلمة غير الكلمة..و الحدوتة غير التانية..
حتى لو قلبى قاللى هتخلص مرة تانية..
و كل مرة بداية جديدة..و نهاية يمكن تكون أكيدة..
لكن على الورق تفضل نهاياتى كلها سعيدة..
يمكن فى يوم حدوتة أكتبها و تبقى حقيقة..
يمكن يكون العمر كله بيمشى عشان أوصل لأسعد دقيقة..
يوم ما أجى أكتب نهاية..القلب يدق يقوللى..
استنى..دى كانت بس البداية...
ليست هناك تعليقات:
إرسال تعليق